الرئيسية / قصة نجاح أون لاين / أحلام الورد من تجارة للمطبخ-أنا موجود

أحلام الورد من تجارة للمطبخ-أنا موجود

أهلا بيكم معانا في قصة تحدي و نجاح جديدة في سلسلة أنا موجود على صفحات مجلة ناس أون لاين و قصة النهاردة بطلتها هي أحلام الورد و اللي هنعرف معاها فكرت في إيه و كانت بتحلم بإيه ووصلت لإيه لحد دلوقتي .

النجاح مش مجرد كلمة أو حاجة بنوصلها بسهولة بالعكس بنقابل تحديات و مواقف كتير منها الحلو و منها اللي مش حلو و كل تحدي بنقابله و نتغلب عليه بيزودنا خبره و يقربنا أكتر من تحقيق حلمنا و د اللي هنعرفه مع بطلتنا النهارده أحلام الورد .

سلسلة أنا موجود على مجلة ناس أون لاين

س: كلمينا عنك و عرفينا عليكي أكتر ؟

اسمى احلام الورد 45 سنه خريجة بكالوريوس تجارة قسم اقتصاد بتقدير جيد مرتفع ربة منزل.

س: كلمينا عن مشروعك أكتر و الفكرة عبارة عن إيه و بدأت إزاي ؟

عندى مشروع صغير لعمل الوجبات الجاهزة بجميع أصنافها والحلويات يعنى كاترنج حلو وحادق طول عمرى بحب المطبخ وعاشقه لعمل الحلويات من أول ما اتخرجت حاولت اشتغل بتخصصى فى كذا حاجه بس بميل اكتر لشغل المطبخ بدأت أدور وراء إزاى أصنع التورت والحلويات بكافة أصنافها لحد ما وصلت لقدر يخلينى أفتح جروب صغير أقدر اعيش منه .

الفكرة كانت من ست سنين تحديدا 31-12-2016 وده كان تاريخ البدايه ومستمرة لحد الان برغم كل الصعوبات الى بواجهها .

س: إحساسك إيه بعد خوض التجربة و رد فعل الأسرة و العائلة و الاصدقاء و مين اكثر شخص دعمك؟

احساسى بعد خوض التجربه كنت مبسوطه جدا وخصوصا لما كنت اعمل حاجه وتعجب الناس جدا اكتر حد دعمنى هو زوجى وهو الى له الفضل فى الى انا فيه حاليا وهو اكتر واحد بيشجعنى.

س: مشروعك اون لاين فقط و لا ليه مكان على أرض الواقع ؟

مشروعى حاليا أون لاين فقط ونفسى يكون ليا مكان على أرض الواقع.

س: هل راضية عن النتائج اللي عملتيها لحد دلوقتي و لا ؟ و ايه طموحك؟

راضيه جدا الحمد لله لان تعب ست سنين ويوم عن يوم بطور فى شغلى وبحاول اكون على اعلى مستوى وارضى جميع الاذواق .

طموحى ان مشروعى يكبر أكتر من كده ويوصل لكل الناس.

س: بشكل عام إيه رأيك في عمل المرأة و شايفة أنها المفروض تشتغل و لا تركز في البيت أكثر و هل ممكن تكون مضطرة تشتغل في الوقت الحالي لظروف المعيشة و لكن الأفضل لها التركيز في البيت ؟

عمل المرأة من وجهة نظري طالما مش حيؤثر على بيتها و أولادها مافيش مشكله بس هو للاسف فعلا أثر كتير على مجتمعنا و أجيال كتير طلعت مش متربيه صح ومن رأيى إنه فى الوقت الحالى بقى ضرورى نظرا للظروف اللى الناس بتمر بيها ولو شغل المرأة من البيت يكون أفضل.

س: رأيك عن العمل عن طريق الإنترنت هل يمكن الاعتماد عليه كمصدر دخل أساسي ام اضافي ؟

العمل عن طريق النت لا يمكن الاعتماد عليه لإن مابقاش مضمون زى الأول لازم دخل ثابت

و أنا من وجهة نظري يعتبر دخل اضافى.

و كمان شايفة إن في عيوب في شغل الأون لاين و هي إن أى حد بيلاقى حد ناجح فى مجال ما بيروح عامل زيه للأسف و تبدأ المنافسات الغير شريفه و كمان محتاج دعايا كتير و محتاج تمويل مستمر عشان تقدر تشتغل و تكبر مشروعك والأهم من كل ده محتاج ثبات نفسى عشان تقدر تتعامل مع كل الفئات.

و في نهاية حوارنا مع أحلام الورد في سلسلة أنا موجود على مجلة ناس أون لاين نتمني نكون قدرنا نوصلكم جانب من التحديات اللي قابلتها في مشروعها و كمان المستوى اللي قدرت توصله لحد دلوقتي من حلمها علشان يكون مصدر إلهام و دعم لكل متابعين سلسلة أنا موجود على صفحة مجلتنا .

و خليك فاكر إننا من خلال سلسلة قصص النجاح – أنا موجود على مجلة ناس أون لاين – بنقدملك قصص نجاح واقعية و كمان قريبة منك مش مجرد قصص مجازية أو قصة بعيدة عليك و دا علشان نكون دايما مصدر إلهام ليك و لكل حد محتاج يتعرف أكتر على عالم الواقع و التحديات اللي بجد مش مجرد قصص نجاح وردية بدون كواليس .

و في النهاية بنفكرك إنك ممكن تشاركنا قصتك عن طريق رسالة على صفحة مجلة ناس أون لاين على الفيس بوك من هنا Nas On Line

أو حتى لو تعرف قصة نجاح تستحق المشاركة في سلسلتنا أنا موجود على مجلة ناس أون لاين

تقدر تتواصل معانا و تعرفنا على القصة دي و بإذن الله تكون معانا في أقرب وقت على صفحات مجلتنا .

في إنتظار مشاركتنا برأيك في قصة النهاردة من خلال البوست الخاص بموضوعنا على صفحتنا سواء من هنـــــا بكلمة دعم منك لبطل قصتنا أو نصيحة معينة حابب تفيد بيها و خليك فاكر إن رأي بطل قصتنا يعبر عن وجهة نظره و تجاربه و خبراته و إحنا دورنا نعرضها و نتبادل وجهات النظر .

و تابعونا في قصة جديدة من قصص التحدي و النجاح في سلسلة أنا موجود على مجلة ناس أون لاين .

عن Nas On Line

شاهد أيضاً

فاتورة التليفون الأرضي

رابط الاستعلام عن فاتورة التليفون الأرضي

رابط الاستعلام عن فاتورة التليفون الأرضي برقم التليفون

معهد ثربانتس

مدير ثربانتس لمحمود قنديل :الإسكندرية تعد بمثابة آله لإنتاج الثقافة علي مر التاريخ

《معهد ثربانتس الإسباني》…تأسس رسميآ عام 1991 ، إلا أن تاريخ نشاطه الفعلي يعود إلى عام …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

%d مدونون معجبون بهذه: